Пайдалану шарттары

Tarihi.kz — қазақ шежіресін цифрлық түрде сақтауға арналған платформа. Сайтты пайдалана отырып, сіз осы шарттармен келісесіз.

Сіз енгізген деректердің дұрыстығына және отбасылық ақпаратты жариялау құқығына өзіңіз жауап бересіз. Басқа адамдардың жеке деректерін олардың келісімінсіз жарияламаңыз.

Beta қызметі және тапсырыс

Қызмет beta кезеңінде. Сайттағы баға мен сипаттама түпкілікті оферта емес: жұмыс көлемі, мерзімі және нәтижесі танысу қоңырауынан кейін жеке ұсыныста келісіледі.

Аккаунт және шақыру сілтемелері

Аккаунт деректерін және өңдеу құқығын беретін шақыру сілтемелерін қорғауға сіз жауаптысыз. Рұқсатсыз қолжетімділік байқалса, бізге дереу хабарлаңыз.

Материалдар мен қолжетімділік

Сіз жүктеген отбасылық материалдарға құқығыңыз сақталады және оларды қызмет көрсетуге қажет көлемде өңдеуге рұқсат бересіз. Тек өзіңізде құқығы бар суреттер мен құжаттарды жүктеңіз: басқа фотографтың, мұрағаттың немесе баспаның материалын рұқсатсыз орналастыруға болмайды. Қызметтің beta функциялары өзгеруі, уақытша тоқтауы немесе қате жұмыс істеуі мүмкін; маңызды материалдардың жеке көшірмесін сақтаңыз.

Платформаға құқықтар

Сайттың бағдарламалық коды, дизайны мен интерфейсі, «Tarihi» атауы мен логотипі, сондай-ақ біз дайындаған тарихи карта қабаттары, мәтіндер мен безендіру элементтері авторлық құқықпен қорғалады және платформа иесіне тиесілі. Оларды жазбаша рұқсатсыз көшіруге, өзгертуге, таратуға немесе коммерциялық мақсатта пайдалануға болмайды. Қызметті пайдалану сізге бұл материалдарға қандай да бір құқық бермейді.

Шағым және материалды жою

Егер сайттағы материал сіздің авторлық құқығыңызды бұзса немесе сіз туралы (не кәмелетке толмаған балаңыз туралы) деректер келісімсіз орналастырылса, info@tarihi.kz мекенжайына жазыңыз. Хатта материалға сілтемені, өзіңіз туралы мәліметті және талап негізін көрсетіңіз. Дербес деректерді жоюға қатысты өтініштерді заңда белгіленген мерзімде орындаймыз, авторлық құқық жөніндегі шағымдарды 10 жұмыс күні ішінде қараймыз. Дау шешілгенше материалды уақытша жабуымыз мүмкін, ал бұзушылық қайталанса аккаунт қолжетімділігін шектеуге құқылымыз.

Қызмет өзгеруі немесе уақытша қолжетімсіз болуы мүмкін. Сұрақтар бойынша: info@tarihi.kz